The curse of Erysichthon: the punishment of Demeter’s – The Eternal Hunger
 |
The Eternal Hunger |
 |
| Erysichthon နတ်ဘုရားမ Demeter သစ်တောအား ဖျက်စီးနေပုံ |
လှပဆုံး ပရိဘောဂတွေ ဆောက်ဖို့ သစ်သားကိုသုံးပါ" လို့ သူက အမိန့်ပေးလိုက်ပါတယ်။ သစ်ခုတ်သမားများက မြင့်မြတ်တဲ့ နတ် နေထိုင်တယ်လို့ ယုံကြည်ကြတဲ့ အတွက် တွန့်ဆုတ်နေကြပါတယ်။ သူတို့တွေဟာ Demeter ကကာကွယ်ထားတဲ့ တောအုပ်ထဲက Nymphs တွေနေထိုင်တဲ့ သစ်ပင်တွေပါ။ Erysichthon က သစ်ပင်ကို ပုဆိန်ထက်ထက်နဲ့ ခုတ်လိုက်တဲ့အခါ သွေးတွေ စီးကျလာခဲ့တယ်။ " သတ္တိကောင်းလိုက်တာ။ နတ်ဘုရားမ Demeter ရဲ့ သြဇာအောက်မှာရှိတဲ့ ဒီသစ်တောကို ခုတ်ထစ်ဖို့ ကြိုးစားတဲ့အတွက် ပြင်းထန်တဲ့ အပြစ်ပေးမှုကို ခံစားရလိမ့်မယ်" လို့ အမျိုးသမီးတစ်ယောက်က ဆိုလိုက်ပါတယ်။ Erysichthon က ဒီတောက ငါ့မြေပေါ်မှာ ရှိတာ ငါ နှစ်သက်သလို လုပ်မယ် လို့ ပြန်ဖြေလိုက်ပါတယ်။ ခေါင်းစွပ်ဝတ်ထားတဲ့ သာမာန်မိန်းမတစ်ယောက်မဟုတ်တဲ့ ဒေါသအမျက်ထွက်နေတဲ့ နတ်ဘုရားမ Demeter က ကိုယ်ထင်ပြပြီးကြောက်လန့်နေတဲ့ Erysichthon နဲ့ သူ့ရဲ့ အစေခံတွေကို ကျိန်စာတိုက်ခဲ့ပါတယ်။ Erysichthon က နတ်ဘုရားရဲ့ ဒေါသအမျက်ကနေ လွတ်မြောက်သွားတာကို ဝမ်းသာပီတိဖြစ်နေခဲ့ပါတယ်။ Erysichthon က ဗိုက်ဆာလာတဲ့အတွက် အစေခံတွေကို အစားအသောက်ပြုလုပ်ပေးဖို့ တောင်းဆိုခဲ့ပါတယ်။ သူဟာ တခါမှ ကြက်ကင်တကောင်လုံးကုန်အောင် မစားသောက်ခဲ့ဖူးပါဘူး။ ရှိသမျှအကြွင်းကျန်တွေအကုန် စားသောက်ပြီးတဲ့နောက် “စားစရာပိုလိုချင်တယ်” လို့ သူက ဆိုလာပါတယ်။ သားသတ်သမားက ဝက်ကလေးတစ်ကောင်လုံးကို သခင်အတွက် ချက်ပြုတ်ပေးခဲ့ပါတယ်။ ဝက်တကောင်လုံးကို စားသောက်ပြီးတဲ့နောက် ပင်ပန်းနေတဲ့ Erysichthon က ဝက်ကလေးခြေထောက်ကို ကိုင်ထားပြီး သူ့အခန်းထဲကို သွားခဲ့ပေမယ့် တစ်စုံတစ်ခုက သူ့ကို လိုက်ဖမ်းနေပုံရပါတယ်။
 |
| Erysichthon အလွန်အမင်းစားသောက်နေပုံ |
အိပ်ပျော်နေစဉ်မှာ အရမ်းကို ဆာလောင်နေတဲ့ နတ်ဆိုးတကောင်ကို အိမ်မက်မြင်မက်ခဲ့ပါတယ်။ Erysichthon ဟာ ဆာလောင်မှုဝေဒနာကို ဆက်တိုက်ဆိုသလို ခံစားလာရပါတယ်။ မကြုံစဖူးသော ဆာလောင်မှုကို ခံစားရပြီး ထိတ်လန့်စွာ နိုးထလာကာ အယ်ရစ်ဆစ်သွန်က သူရဲ့ ဆာလောင်မှုကို ဖြေလျှော့ဖို့ကြီးကျယ်တဲ့ စားသောက်ပွဲကို တောင်းဆိုခဲ့ပါတယ်။ အစေခံတွေက သူ့အတွက် ရနိုင်တဲ့ အစားအစာတွေ အားလုံးကို ပေးခဲ့ပေမယ့် ဆာလောင်မှုက လျော့မသွားဘဲ သူစားလိုက်တိုင်း "ငါ ပိုလိုချင်တယ်" လို့ Erysichthon ကဆိုပါတယ်။ သူ့ရဲ့စည်းစိမ်ဥစ္စာတွေဟာ အစားသောက်တွေမှာ သုံးစွဲတာများလာတာကြောင့် လျော့ပါးလာခဲ့ပါတယ်။။ Erysichthon က အချမ်းသာဆုံး အမြင့်မြတ်ဆုံးသူ ဖြစ်ခဲ့ပေမဲ့ အခုတော့ လမ်းပေါ်မှာ တောင်းရမ်းစားသောက်နေရပါပြီ။ သူ့သမီးက သူ့အဖေကို လမ်းမှာတွေ့ပြီး ကူညီဖို့ကြိုးစားပေမယ့် ဆာလောင်မှုကြောင့် စားစရာတွေထပ်ဝယ်နိုင်အောင် သူ့သမီးကို ကျွန်အဖြစ်ရောင်းစားခဲ့ပါတော့တယ်။ သုံ့ပန်းဖြစ်သွားတဲ့ Erysichthon သမီးက Poseidon နတ်ဘုရားထံမှလွတ်မြောက်ရန်ဆုတောင်းခဲ့ပါတယ်။ နတ်ဘုရားက မိန်းမပျိုကို မြည်းအဖြစ်ပြောင်းလဲစေပြီး ရုပ်ဖျက်၍ လွတ်မြောက်စေခဲ့ပါတယ်။ သမီးလေးကဘည်းသည် သူမ၏ဆင်းရဲသောဖခင်နှင့် ထပ်မံတွေ့ဆုံပြီး ဖခင်ဖြစ်သူကို ကူညီနိုင်မည်ဟု ယုံကြည်ကာ ကြင်နာသောပုံစံနဲ့ ကြည့်နေခဲ့ပါတယ်။ Erysichthon က သူ့သမီးလေး ချစ်စဖွယ် မြည်းကို သတိပြုမိကာ တိရိစ္ဆာန်ရဲ့ မျက်နှာကို ပွတ်သပ် ငိုကြွေးပြီး "တောင်းပန်ပါတယ် သမီးရယ်၊ ဒါပေမယ့် ပိုလိုချင်တယ်" လို့ ဆိုပြီး စတင်စားသောက်ပါတော့တယ်။ Poseidon က ကြင်နာတတ်တဲ့ မိန်းမငယ်လေးရဲ့ ကံကြမ္မာအတွက် ဝမ်းနည်းပြီး လိပ်ပြာအဖြစ် ပြောင်းလဲလိုက်ပါတယ်။ သူမဟာ အဝေးကို ထွက်ပြေးသွားပြီး သူ့အဖေနဲ့ ထပ်မတွေ့တော့ပါဘူး။ ဘာဝင်ငွေမှမရှိပဲ အစာရေစာငတ်ပြတ်နေတဲ့ Erytsichthon ဟာ အရာအားလုံးစတင်ခဲ့တဲ့ Demeter ရဲ့ မြင့်မြတ်တဲ့သစ်တောကို ပြန်လာခဲ့ပြီး ခွင့်လွှတ်ပေးဖို့ ဆုတောင်းခဲ့ပေမယ့် နတ်ဘုရားက သူ့ကို လျစ်လျူရှုခဲ့ပြီးတော့ သူ့ရဲ့ ဆင်းရဲသားငတ်မွတ်မှုကိုပါ လျစ်လျူရှုခဲ့ပါတယ်။ သူဟာအရမ်းကို ဆာလောင်လာတဲ့အတွက် သစ်ပင်တစ်ပင်အောက်မှာထိုင်ကာ သူ့ခြေထောက်ကို စတင်ကိုက်စားပြီး တစ်ညလုံး သူ့ခန္ဓာကိုယ်ကို အစာအဖြစ်သုံးနေခဲ့ပါတယ်။ နောက်နေ့မနက်မှာတော့ အဲ့ဒီနေရာမှာ ဘာမှ မကျန်တော့ဘူး။
Comments
Post a Comment